Grunver-ek, ingurumen-aholkularitzaren sektorean esperientzia handiko konpainiak, ISO 14001:015 arauaren baldintzetan oinarritutako Ingurumen Kudeaketa Sistema bat ezarri du.

Gure Ingurumen Politikak, gure jarduera garapen jasangarriaren parametroen barruan gauzatzeko konpromisoa definitzen du horrek sortzen dituen ingurumen-alderdien kontrola eta kudeaketaren bidez, bereziki ingurumen-alderdi esanguratsuenenak. Halaber, Ingurumen Kudeaketa Sistemaren etengabeko hobekuntzan laguntzen duten helburuak eta jarduerak definitu eta gauzatzeko esparru komuna ezartzen du.

Konpromiso horiek betetzeko eta ezarritako helburuak lortzeko, Grunverrek honako oinarrizko printzipio hauek ezarri ditu:

1. Ingurumena babestea eta prebentzioa: Ingurumena babestea, kutsadura prebenitzea eta gure aholkularitza-jardueraren ondoriozko ingurumen-inpaktu kaltegarriak minimizatzea.
2. Legezko betekizunak betetzea: Gure jarduerari aplikagarriak zaizkion ingurumen-arloko legezko betekizunak zorrotz betetzea, bai eta erakundeak borondatez bere gain hartzen dituen bestelako betekizunak ere.
3. Sentsibilizazioa eta parte-hartzea: Gure langile guztien ingurumenarekiko sentsibilizazioa eta kontzientziazioa mantentzea, haien ingurumen-prestakuntza sustatuz eta parte-hartze aktiboa bultzatuz. Horretarako, langileek proposatutako hobekuntza-iradokizunak ere aintzat hartuko dira, etengabeko hobekuntza sustatzeko helburuarekin.
4. Neurketa eta ebaluazioa: Gure jardueraren ingurumen-inpaktua modu objektiboan ezagutzea ahalbidetuko duten adierazleak eta txosten-sistemak ezartzea. Adierazle eta sistema horiek, lortutako emaitzen arabera, gutxienez urtean behin berrikusiko dira.
5. Etengabeko hobekuntza: Gure Ingurumen Kudeaketa Sistema etengabe hobetzea, gure ingurumen-jardunean hobekuntza erreala eta neurgarria lortzeko.
6. Gardentasuna eta komunikazioa: Enpresari buruzko ingurumen-informazioa interesdunen eskura jartzea, eta beste enpresa, erakunde publiko, elkarte eta instituzio batzuekin lankidetzan aritzea ingurumena babesteko.

Era berean, Grunverren uste dugu planeta zaintzen laguntzeko modurik onena gure jarduerak berak sortzen dituen inpaktuak murrizten hastea dela. Horregatik, lau helburu ezarri ditugu gure jasangarritasun-maila handitzeko, gure eguneroko jardunean ingurumena zaintzeko eta errespetatzeko konpromisoa hartuz:

1. Baliabideak modu jasangarrian kudeatzea:
   Baliabideak zentzuz erabiltzen ditugu, uraren, paperaren eta energiaren kontsumoa minimizatuz; hondakinen eta emisioen sorrera murriztuz; birziklapena sustatuz; eta konponbide ekoeraginkorrak bilatuz. Adimen Artifizialaren erabilera aholkularitzako funtsezko zeregin teknikoetara mugatzen dugu, eta haren erabilera mugatzen dugu irudiak eta kanpo-komunikaziorako edukiak sortzeko, gure karbono-aztarna digitala eta zerbitzariei lotutako energia-kontsumoa minimizatzeko helburuarekin.
2. Erosketa berdea:
   Grunverren bulegoko materiala erosketa berdeko irizpideen arabera hautatzen da. Horrela, bizi-zikloan ingurumen-inpaktu txikiena duten produktuak aukeratzen ditugu, ekodiseinatutako produktuei edo ingurumen-ziurtagiri aitorturen bat dutenei lehentasuna emanez.
3. Ingurumen-jardunbide egokiak sustatzea:
   Ingurumen-arloko jardunbide egokiak sustatzen ditugu langileen, hornitzaileen eta bezeroen artean.
4. Gure emisioak konpentsatzea:
   Urtero, enpresaren jarduerak sortutako eta Trantsizio Ekologikorako Ministerioan erregistratutako CO₂ emisioen konpentsazioa kudeatuko dugu.

Lehen bertsioa: 2022/04/18

Berrikusteko eta onesteko azken eguna: 2026/09/07

Grunver-en gure jarduera ingurumena errespetatzera, zaintzera eta babestera bideratzeko konpromisoa hartu dugu; kutsadura prebenituz baliabideen erabilera iraunkor eta arrazionalaren bidez, indarrean dagoen ingurumen-legeria betez eta ISO 14001:2015 arauarekin bat datorren Ingurumen Kudeaketa Sistema ezarriz, martxan jarriz eta etengabe hobetuz.