Ingurumenaren alorrean jasangarria den ekitaldia
Eusko Jaurlaritzak onartutako ingurumen ziurtagiria da Erronka Garbia. Ziurtagiri honen bidez, diseinuan eta antolaketan ingurumen-neurriak aintzat hartzen dituzten ekitaldiak aintzatesten dira, ingurumen-inpaktu negatiboak gutxitzeko asmotan.
Ingurumen ziurtagiri honen xedea ekitaldira bertaratutakoak zein erakunde antolatzaileak kontzientziatzean datza, ekitaldi jendetsuek sorturiko inpaktu negatiboak arintzeko eta modu honetan, ingurumenari ahalik eta inpaktu txikiena eragingo dioten ekitaldiak sustatzeko.